ලංකාව වර්තමානයේ මුහුණ දෙන ආර්ථික අර්බුදය හමුවේ ජනතාව නැගී සිට අරගල කිරීමේදී දේශපාලනයට සම්බන්ධ වීම අරභයා භික්ෂූන් වහන්සේලාටත් දොස් එල්ල කෙරෙන බව පෙනෙනවා. සමහර ඒ දොස් කීම්වලට සාධාරණ පදනමක් ඇත්තේ නැහැ. තවත් සමහර ඒ දොස් කීම්වලට සාධාරණ පදනමක් තිබෙනවා. සාධාරණ පදනමක් ඇතිව හෝ නැතිව කෙරෙන ඒ සමහර දොස් කීම්වලදී පොදුවේ සියලු භික්ෂූන් වහන්සේලා වෙත දෝෂාරෝපණ එල්ල කෙරෙන අවස්ථා ද තිබෙන බව පෙනෙනවා. එසේ පොදුවේ සියලු භික්ෂූන් වහන්සේලා වෙත දොස් කීම සුදුසු ක්‍රියාවක් ද? දොස් කියනවා නම් කොපමණ භික්ෂූන් වහන්සේලා පිරිසකට දොස් කීම සුදුසු ද?

ආගම සහ දේශපාලනය යනු සමාජයක අභිවෘද්ධිය පිණිසත් පිරිහීම පිණිසත් බලපාන ප්‍රධාන සාධක දෙකක්. යම් සමාජයක යහපත් ආගමික යොමුවක් සහ යහපත් දේශපාලනමය ක්‍රියාවලියක් පවතී නම් එසේ වීම එම සමාජයේ අභිවෘද්ධියට හේතු වෙනවා. යම් සමාජයක අයහපත් ආගමික යොමුවක් සහ අයහපත් දේශපාලනමය ක්‍රියාවලියක් පවතී නම් එසේ වීම එම සමාජයේ පිරිහීමට හේතු වෙනවා.

එළැඹෙන පාර්ලිමේන්තු මැතිවරණයේදී ඡන්ද දායකයින් විසින් ඡන්දය දී පාර්ලිමේන්තුවට තෝරා පත්කරගතයුතු වඩාත්ම සුදුසු ජනතා නියෝජිතයින් කවුරුන් දැයි ඔවුන්ටම අවබෝධයක් ලබා  ගත හැකි පරිදි සකසන ලද මෙවලමක් අප වෙබ් අඩවියට එක් කොට තිබෙනවා.

එම මෙවලම භාවිතා කොට ඡන්ද අපේක්ෂකයින්ව ඇගැයීමට භාජනය කරන්න. අන් අයටත් එම මෙවලම පිළිබඳ දන්වන්න. රටේ අභිවෘද්ධිය පිණිස කටයුතු කළ හැකි වඩාත්ම සුදුසු පුද්ගලයින්ව පාර්ලිමේන්තුවට තෝරා පත්කරගැනීමට උත්සුක වන්න.

මෙවලම වෙත සබැඳිය: ආණ්ඩුක්‍රම ව්‍යවස්ථාවට අනුව ජනතා නියෝජිතයෙකුව ඇගැයීම